Sozialpedagog (M/W/X) - 40St/Woch – CDI – youngcaritas – Léiweng CJF_20260909

Zanter 38 Joer engagéiert sech CJF Lëtzebuerg a.s.b.l.,fréier Caritas Jeunes et Familles a.s.b.l., hei als « CJF » bezeechent, am soziale Secteur zu Lëtzebuerg a setzt sech fir d’Wuel vum Kand, dem Jugendlechen an der Famill an. Haut schaffe méi wéi 750 Mataarbechter an iwwer 40 Strukturen a Servicer, verdeelt op 19 Gemengen am ganze Land. Als Member vun der Bientraitance a.s.b.l. orientéiere mir eis un enger Kultur vu Bientraitance a Bienveillance. Eis professionell Haltung, eis Projete wéi och eis Aarbechtsweis gi vun dësem Respekt an dëser Unerkennung vum Mënsch geleet. Eis Missioun – Zesumme wuessen – ass de Kär vun all eisem Handelen. Ob an der Fréientwécklung, an der Jugend oder am Iwwergank an d’Erwuesseneliewen: eis Mataarbechter*innen setzen sech all Dag dofir an, e rouegt an ënnerstëtzend Liewensëmfeld ze schafen, an deem all Kand, Jugendlechen oder jonken Erwuessenen d’Méiglechkeet kritt, sech voll z’entfalen – onofhängeg vu senger Liewenssituatioun oder sengen Ënnerscheeder. Vir eist Team bei der Aarbecht mat Jonken ze verstäerke, siche mir eng/ee Coordinateur Pédagogique / Sozialpedagog (m/w/x) fir eise Service youngcaritas. youngcaritas ass eng Plattform fir jonk Leit, wou si d'Méiglechkeet kréien sech ze engagéieren, a sou e positiven Impakt op d'Gesellschaft ze hunn. Deng Missiounen :
• Entwécklung a Sécherung vun der pedagogescher Qualitéit,
• Reegelméisseg Präsenz um Terrain, fir d’Ekipp ze begleeden an ze ënnerstëtzen,
• Weiderentwécklung an Ëmsetzung vum Kannerschutzkonzept,
• Bedeelegung un der Weiderentwécklung an Ausschaffung vun eise Formatiounen,
• Konfliktmanagement, falls néideg. Däi Profil :
• Spaass un der Aarbecht mat Jonken,
• E Bachelor am sozio-edukative Beräich oder equivalent,
• Erfarung an der pedagogescher Konzeptaarbecht,
• Éischt Erfarungen am Beräich Kannerrechter si vu Virdeel,
• Fäegkeet, Prozesser z’entwéckelen an ëmzesetzen,
• Héich Selbstännegkeet,
• Teamorientéiert a kommunikativ Aarbechtsweis,
• Exzellent redaktionell Kompetenzen,
• Lëtzebuergesch, Däitsch a Franséisch schwätzen,
• Am Besëtz vum Führerschäi B sinn an en Éischt-Hëllefs-Cours gemaach hunn. Mir bidden dir :
• Eng attraktiv Pai, déi no der aktueller CCT-SAS festgeluecht gëtt (Carrière C6),
• En interessanten a villfältegen Aarbechtsberäich,
• D’Méiglechkeet, dech kreativ z’entfalen,
• D’Potenzial, fir matzegestalten,
• Eng Erausfuerderung, déi Spaass mécht,
• Eng Plaz an enger ënnerstëtzender Ekipp,
• Flexibel Schaffzäiten,
• Ënnerstëtzung fir deng perséinlech a professionell Entwécklung,
• Individuell ugepasste Weiderbildungsméiglechkeeten,
• Ufank: 15. Oktober 2026 oder no Ofsprooch. Fir méi Informatiounen iwwer eis Aktivitéit, besicht eis Websäit : www.youngcaritas.lu Ass Bildung deng Beruffung ? Da si mir gespaant op dech Wann’s de dech fir CJF entscheets, gëss de Deel vun enger Associatioun, déi staark Wäerter an de Mëttelpunkt vun hirem Handele stellt: Engagement, Ouverture fir den Aneren a seng Diversitéit, Bienveillance a Solidaritéit. Eis Recrutementspolitik garantéiert gläich Chancë fir all Talent. All Kandidatur gëtt mat Respekt a Gerechtegkeet ugeholl a bewäert. Am Fall vun enger Astellung biede mir dech, en Extrait vum Casier judiciaire Nr. 3, Nr. 4 an Nr. 5 virzeleeën. Les informations recueillies font l’objet d’un traitement destiné à permettre à CJF la gestion de la demande qu’elle reçoit. Elles sont destinées aux membres et aux services de CJF conformément au règlement (UE) 2016/679 du Parlement européen et du Conseil relatif à la protection des données à caractère personnel (RGPD).